Telt, Tull & Tonar

Teltet blir rigga ila onsdag, derfor tilbyr vi ein tjuvstart i form
av ein teltpub torsdag kveld. La oss samle så mange som
mogeleg til oppladning. God stemning, tull og kanskje livemusikk står på menyen. La det bli lått og løye i godt lag. Perfekt anledning å bli kjent med festivalfolket før det tek heilt av på fredag. 

Laust snakk og fast grep / Skål med vener / Musikk, kanskje
på «Grensa til allsong» / Kanskje quiz og anna løgn, tull og
fanteri. Ta med nokon. Eller kom som du er og bli med på ein
kveld med Telt, Tull & Tonar. Julikvelden kan bli minnerik.

Perfekt i kasta

den ultimate teknikken for flugefisking. Eller perfeksjoner deg til Aurefiskefestivalen seinare i august. I samarbeid med Erdal Sport og tidlegare landslagsutøvar Tom Wangensten arrangeres nybegynnarkurs i flugefiske: enkel, morsom innføring i utstyr og teknikk/grunnleggande kasteferdigheiter, uten å få fluga i bakhovudet/tips om kva for fluger som faktisk fungerer og
kvifor fisken ikkje alltid er einig? Kurset er på ca 4 timar. Sosialt, frisk luft og grilling. Festivalteltet er ope etterpå for dei som vil dit.

Stad: Storeneset

Tid: Fredag 25. juli kl. 1300

Mat: Bålpanna vert fyrt opp, ta med mat

Påmelding: Billettsystemet - 500 kr, gratis ved kjøp av utstyr

Festivalkveld i teltet

Fredag kveld opnar vi teltet for ungdom i alle aldrar. Vi lovar god musikk, telthygge, festivalstemning og servering av snacks og drikke. Elles går kvelden under mottoet – «Vi har ikkje meir moro enn den vi lagar sjølv».

Dette er rett og slett eit verkeleg godt høve til å treffe kjentfolk og å komme i rett festivalstemning.

Stad: Festivalteltet i Vikja

Tid: Fredag 25. juli kl. 2000 - 0100

Mat: Sal av av snacks og drikkevarer

Gratis inngang

Fotoutstilling - "Ungt blikk - gamal grunn"

I eit samarbeidsprosjekt mellom Viksdalen Nærmiljøråd, Gaular Sogelag og Håslåttfestivalen blir det på årets festival

• Ei fotoutstilling om utviklinga av bygdesentrum. Resultat av eit elevprosjekt.
• Avduking av dei første informasjonstavlene og skilta om Vikja og Viksdalen.

Fotoutstillinga er midlertidig. Informasjonstavlene og -skilta er dei første av fleire, kor historia og kvalitetane i bygda og bygdesentrum blir formidla og presentert. Det er ei synleggjering av festivalens årvisse historiske arrangement. Det er eit ynskje om å bidra til historieformidling i eit lokalsamfunn kor det ikkje er organisatoriske eller økonomiske ressursar til museum eller andre lokaler.

I år blir det avduka ei frittståande tavle og eit skilt på eit bygg i sentrum.

Stad: Granden ved Bedehuset og Kontorfellesskapet
Tid: Laurdag 26. juli, kl 1100 med avduking tavle og kl 1200 med opning av fotoutstillinga.
Mat: Festivalteltet er ope.
Gratis inngang.

Kunstutstilling

Biletkunstnaren Arnstein Mygland er opprinneleg frå Kvinesdal, men bur i Førde der han var kunst- og handverklærar fram til han gjekk av med pensjon. Mange hugsar han nok med den faste karikaturspalten i Firda kvar laurdag under tittelen «Arnsteins aktuelle» på 80- og 90-talet.

Pensjonisttilværet nyttar han fullt ut til kunsten, der akvarell er det uttrykket han brukar mest. Bileta han produserer no vert ofte presentert saman med  eigen poesi.

Vi er glade for at Arnstein kjem til Håslåttfestivalen og stiller ut eit utval av karikaturane, akvarellane og poesien han har arbeidd med dei siste åra.

Stad: Bedehuset

Tid: Larudag 26. og søndag 27. juli kl. 1200 - 1600

SjakkMatt i Bygda

Magnus er opptatt, men Hans Olav stiller. Han tilbyr eit kurs, med tips og sitt oppkomme av anekdoter. Arrangementet er lagt opp spesielt til den sjakkinteresserte ungdommen, men alle kan delta, og han stiller til simultanspel for dei som vil.

Arrangementet er gratis, men ein må melde seg på i vårt billettsystem, eller til ein i komitéen.

Stad: Bygdetunet
Tid: Laurdag 26. juli kl 12 - 14
Påmelding: Via vårt billettsystem
Eller du kan melde deg på til ein i komitéen.

Svar med stil

"Alle veit jo det" synge Kari Bremnse, men veit du?

I ei løype frå festivalteltet får du testa dine kunnskaper, dine ferdigheiter og kanskje din flaks!

Klarer du å svare og opptre rett, mens du navigerer gjennom Bygdesentrum under sterk påverknad som store folkemengder, forventningar og fabelaktig utsikt.

Saml deg sjøl eller laget ditt, skjerp sansane og bli med ei anna quizoppleving.
Det vil vanke premiar.

Stad: Start ved festivalteltet
Tid: Laurdag 26. juli kl. 1300
(arrangementet pågår i 2 timar, men løypa tek kortare tid).
Mat: Festivalteltet

Mest for barna

Medan vi har Glad ettermiddag i teltet vert det lagt opp til aktivitetar for barna i området rundt teltet. Vi kjem attende med meir informasjon når programmet er klappa og klart. Følg med!

Tid: Laurdag 26. juli kl. 1300
Stad: Ved eller i Bygdetunet
Billett: Gratis

Sentrumsfest

Laurdag kveld er vi klar til å møtest i Vikja til fest og dans i teltet. Også i år er det duoen VI2 – Agnar Gjelsvik og Einar Jakobsen som dannar grunnstammen i bandet som skal få oss til å svinge oss til langt ut i dei seine nattetimane.

God musikk vert servert saman med god mat og drikke – slik det skal vere på festival.

Garantert god stemning og gjenmøte med mange kjende.

Stad: Festivalteltet i Vikja

Tid:  Laurdag 26. juli kl. 2000 - 0200

Mat: Lokal mat og sal av alt av drikkevarer som våre blide festivalvertar har i salsdisken.

Billettar: Kr 200, ev. festivalpass

Festivalgudsteneste

Festivalgudstjeneste med ny vri.

Også i år er vi så heldige at Kyrkjekontoret har lagt opp gudstjenesteruta slik at vi kan ha festivalgudstjeneste. Eitt av Håslåttfestivalen sine mål er å foreine vår tid og historiske tradisjonar. Kor kan det skje betre enn i kyrkja? Det skjer i samarbeid med Sunnfjord Kyrkjelege Fellesråd.

Liturgi ved soknepresten.

Musikk og song med Erlend Ona Gjul og Erlend Osa, som også har festivalen sin avslutningskonsert på Tuftegarden (les omtale der av dei to fantastiske musikarane).

«Tru og tvil – rettferdig krig ?»

Nytt av året er ei samtale, som vi håpar å ha som innslag på festivalgudstjenestene framover. Først ut i samtale er tidlegare generaladvokat Arne Willy Dahl og biskop Laila Riksaasen Dahl. Dei er også ektepar. Som generaladvokat har Arne Willy i mange år arbeidd med krigens folkerett eller rettsreglane som gjelde for opptreden under krig og væpna konflikter. Samtala opne for spenningar, dynamikk, nyansar og refleksjonar mellom juridisk/militærfaglig tilnærming og ein etisk/teologisk ståstad.

Med stor fagleg tyngde, personleg engasjament og varm kjærleik tar dei oss inn i det annonserte spørsmålet, men også fleire tidlause og høgaktuelle spørsmål. Og litt korleis dei leve til dagen....

Laila held også preika i gudstjenesta. Samtala blir (med eit lite forbehold) leia av soknepresten i Førde, Ingvald Frøyen.

Hjarteleg velkommen på søndag til ei fin og aktuell gudstjeneste.

Krigen og frigjeringa

Årets historiske arrangement på Håslåttfestivalen handlar naturleg nok om krigen og frigjeringa. Bli med på sterke historier og refleksjonar når vi inviterer til foredrag med pensjonert historikar Jan Anders Timberlid. Korleis prega krigsåra kvardagen, skulen, rettsvesenet og samfunnet i Sunnfjord og Viksdalen?

Timberlid vil gjennom personlege forteljingar og historiske tilbakeblikk kanskje fortelle om krigen på ein anna måte enn det du finne i historiebøkene. Han vil både foredra og samtale med publikum. Etter foredraget blir det vidare samtaler om krigen og frigjeringa, med nokre av dei eldste i bygda. Dei deler sine minner, eller det dei har blitt fortalt?

Velkommen til eit viktig og lærerikt arrangement.

Kunstutstilling

Biletkunstnaren Arnstein Mygland er opprinneleg frå Kvinesdal, men bur i Førde der han var kunst- og handverklærar fram til han gjekk av med pensjon. Mange hugsar han nok med den faste karikaturspalten i Firda kvar laurdag under tittelen «Arnsteins aktuelle» på 80- og 90-talet.

Pensjonisttilværet nyttar han fullt ut til kunsten, der akvarell er det uttrykket han brukar mest. Bileta han produserer no vert ofte presentert saman med eigen poesi.

Vi er glade for at Arnstein kjem til Håslåttfestivalen og stiller ut eit utval av karikaturane, akvarellane og poesien han har arbeidd med dei siste åra.

Stad: Bedehuset

Tid: Larudag 26. og søndag 27. juli kl. 1200 - 1600

Avslutningskonsert

I 2022 var Håslåttfestivalen splitter ny. Folk var nok litt usikre på kva arrangement dette var. Det førte m.a. til at festivalens avslutningskonsert var lite besøkt. No er dei fantastiske 2 Erlend-ane tilbake, med ei tilpassa forestilling av

«Kva gjer ein mann?»

Det er ein leikande musikalkonsert, der vi møter fleire av musikallitteraturen sine største mannlege hovudroller. Desse mennene står i ulike dilemma – dei må ta val, så; Kva gjer ein mann ? Kva formar desse mennene ? Kva veks dei på ? Kva val gjer dei som har innverknad på karakteren sitt liv? På våre liv ?

Artistane vi møter har laga ei kjenslereise der hjarta får køyrt seg. Dette blir ein musikalsk berg- og dalbanetur i Ville Viksdalen, med to sterke formidlarar.